Page 2 - MagazinRom1/Decembar2015
P. 2
redaktoresoro lafi
vdije isi but Romane organizacie hem Romane aktivistia ko celo sveto. Ki miklji godi phenava:
”šučur Devla hem amen o Roma te ova patriotia”. Me ičerava imizi so akava pozitiviteti maškaro Roma
nane samo jekh trend, nego ka ičeri but vreme. Đi akana sa o Romane organizacie hem o Romane aktivistia
dikhena te mothoven i najšuži slika kotar o Roma e gađenđe. Odova tano but šukar, sebepi vazdaja i šansa te tikničera i
diskriminacia premalo Roma. Đi akana hine o Amerikancia, Englezia hem Germancia pisinđe knjige,
čerđe filmia hem đilabđe kotar o Roma, e Romengiri historia, kultura hem adetia. Ama, me paljem phenava:
”šučur Devla, alo o vakti o Rom te vačeri e Romestar”. Sa akava but šukar, samo isi jekh buti so mora sarine amen
te čera ola pana pošukar. O gađe odobor ulje amaro fokus, đi bisterđam sose hijam jekh Romani organizacia hem
sose hijam jekh Romano aktivista! Apsolutno, sarine ka slažina amen so sarine amen mangaja te čera jekh
”pošukar tajsa” e Romese. Ama, soj odova so čereja sarine amen avdije?!
Jekh sabalje vazdijum o telefoni hem vičijum najhari 10 amaljen. Meklje amaljenđe vačerđum so mangava te
čerav jekh magazin kuri amen o Roma ka pisina but artiklia e Romenđe, a samo jekh artikel e gađenđe ko akava slučaj
e Šveđanenđe. Me phejum: ”pisinen so mangena, te ovel interesantno e Romenđe te čitinen. O teme šaj te oven
kultura, adeti, historia, moda, trend, edukacia, familia… a bre sa so mangena tumen”! Meklje amala diljindilje!
Sarine pheje so but šuži idea hem sarine manglje te pisinen badihava. Ama, hem so valjani amenđe pobuter ked
celo sveto amaro!
O magazin ka ikljol svako trito masek hem šaj te čitini pe ko internet. Sastipe ako dija o Devel, jekh dive ka ičera o
magazin hem ko vasta.
Ilija, Brima, Neđo hem Mišo oven saste but so podržijen akava projekti hem so hine tumen vreme te bičhaljen
tumare artiklia.
A sa e Romenđe ki celo dunjaja mangava ko 2016. berš te oven oljen but baht, sastipe hem godi, a palo akala trin buča
o pare kokri ka aven!
Seljami kotar
Sead Šerifi - Sejo
vdije isi but Romane organizacie hem Romane aktivistia ko celo sveto. Ki miklji godi phenava:
”šučur Devla hem amen o Roma te ova patriotia”. Me ičerava imizi so akava pozitiviteti maškaro Roma
nane samo jekh trend, nego ka ičeri but vreme. Đi akana sa o Romane organizacie hem o Romane aktivistia
dikhena te mothoven i najšuži slika kotar o Roma e gađenđe. Odova tano but šukar, sebepi vazdaja i šansa te tikničera i
diskriminacia premalo Roma. Đi akana hine o Amerikancia, Englezia hem Germancia pisinđe knjige,
čerđe filmia hem đilabđe kotar o Roma, e Romengiri historia, kultura hem adetia. Ama, me paljem phenava:
”šučur Devla, alo o vakti o Rom te vačeri e Romestar”. Sa akava but šukar, samo isi jekh buti so mora sarine amen
te čera ola pana pošukar. O gađe odobor ulje amaro fokus, đi bisterđam sose hijam jekh Romani organizacia hem
sose hijam jekh Romano aktivista! Apsolutno, sarine ka slažina amen so sarine amen mangaja te čera jekh
”pošukar tajsa” e Romese. Ama, soj odova so čereja sarine amen avdije?!
Jekh sabalje vazdijum o telefoni hem vičijum najhari 10 amaljen. Meklje amaljenđe vačerđum so mangava te
čerav jekh magazin kuri amen o Roma ka pisina but artiklia e Romenđe, a samo jekh artikel e gađenđe ko akava slučaj
e Šveđanenđe. Me phejum: ”pisinen so mangena, te ovel interesantno e Romenđe te čitinen. O teme šaj te oven
kultura, adeti, historia, moda, trend, edukacia, familia… a bre sa so mangena tumen”! Meklje amala diljindilje!
Sarine pheje so but šuži idea hem sarine manglje te pisinen badihava. Ama, hem so valjani amenđe pobuter ked
celo sveto amaro!
O magazin ka ikljol svako trito masek hem šaj te čitini pe ko internet. Sastipe ako dija o Devel, jekh dive ka ičera o
magazin hem ko vasta.
Ilija, Brima, Neđo hem Mišo oven saste but so podržijen akava projekti hem so hine tumen vreme te bičhaljen
tumare artiklia.
A sa e Romenđe ki celo dunjaja mangava ko 2016. berš te oven oljen but baht, sastipe hem godi, a palo akala trin buča
o pare kokri ka aven!
Seljami kotar
Sead Šerifi - Sejo
