Page 2 - Magazin Rom 6
P. 2
redaktoresoro lafi
antastično respons dobinđa hine o Magazin Rom 5 akala masekia. Komplimentia resena kotar sa o strane hem
amen ki redakcia hijam but bahtale sebepi so o manuša ceninena i idea hem o pozitiviteti so isi amen. Amari
publika svako dive bajrola, sebepi sar so dikhaja ko Google Analytics i statistika ovela sa pouči hem pouči. Đi
akana svako nevo broj so publicirinđam hine pošužo, pointeresantno hem pobari publika astarđa. Ko akava momenti
šaj te phenav so kotar akana o Magazin Rom ka ovel hem POBARO! Kotar 16 strane, akana bajračerđam o magazin ko
20 strane.
Čefi, energia hem pozitiviteti isi amen. Falini amenđe pana jekh buti, ama amen ičeraja imizi so jekh dive ka ovel hem
odova. Amen konstantno rodaja điko te ovel sponzor te šaj te štampina o magazin, ama đi akana nijekh na mothovđa
interes. O jabanđije dena o pare, a amari publika tane o Roma. Othe avela o problemi!
Šučur, negativno kritika reslja… Ama, odija ”kritika” čak na đanav da li baš šaj te vičinav ola negativno. Sar prvo, o
muhabeti na reslja direktno đi koro mande, nego đelo okolo. Isi jekh grupa manuša so pučena kokri pes sose me,
o Sead Šerifi – Sejo na pisinava ”pravilno” Romani čhib, nego pisinava ”Bujanovačko” dialekti?! Me ka vačerav
ađahare: sar ko ka mangel diso te phenel ja te pučel, šaj direktno te kontaktirini man ko telefoni ja ki e-mail adresa.
Ama, ače akana pelji amenđe šansa te puča sarine kokri amen, soj odova ”pravilno” Romani čhib? Da li isi đikuri di-
jekh škola kaj šaj sarine amen te sikljova i ”pravilno” Romani čhib? Da li o lafi PRAVILNO avela kotar ”pravilno” Romani
čhib? Sose Bujanovac? Pogodinen kotar avava… ama, ače akana henez šunava so isi hem ”Bujanovačko” dialekti!
Na mangava te ovav negativno ja diso aver, ama samo jekh buti ka vačerav. Sarine amen jekh dive ka mera, ama o
pisime lafia ko Magazin Rom ka ačhoven sar pečati ki Romani historia!
Ked več phravđam o muhabeti kotar historia, mora te pomina so o Romano Internacionalno Dive pohari avela. Ama,
na žal ko akava broj našti ništa te publicirina. Sastipe, ko nilajesoro broj ka čera tikne reportaže kotar disave dizja kuri
so ka ičeri pe o Romano Internacionalno Dive.
Ma bistren! Sarine tumen, slobodno šaj te kontaktirinen amari redakcia ako isi tumen disavo pučibe, kritika ja idea.
Mangava tumenđe sa najšukar!
Seljami kotar
Sead Šerifi - Sejo
antastično respons dobinđa hine o Magazin Rom 5 akala masekia. Komplimentia resena kotar sa o strane hem
amen ki redakcia hijam but bahtale sebepi so o manuša ceninena i idea hem o pozitiviteti so isi amen. Amari
publika svako dive bajrola, sebepi sar so dikhaja ko Google Analytics i statistika ovela sa pouči hem pouči. Đi
akana svako nevo broj so publicirinđam hine pošužo, pointeresantno hem pobari publika astarđa. Ko akava momenti
šaj te phenav so kotar akana o Magazin Rom ka ovel hem POBARO! Kotar 16 strane, akana bajračerđam o magazin ko
20 strane.
Čefi, energia hem pozitiviteti isi amen. Falini amenđe pana jekh buti, ama amen ičeraja imizi so jekh dive ka ovel hem
odova. Amen konstantno rodaja điko te ovel sponzor te šaj te štampina o magazin, ama đi akana nijekh na mothovđa
interes. O jabanđije dena o pare, a amari publika tane o Roma. Othe avela o problemi!
Šučur, negativno kritika reslja… Ama, odija ”kritika” čak na đanav da li baš šaj te vičinav ola negativno. Sar prvo, o
muhabeti na reslja direktno đi koro mande, nego đelo okolo. Isi jekh grupa manuša so pučena kokri pes sose me,
o Sead Šerifi – Sejo na pisinava ”pravilno” Romani čhib, nego pisinava ”Bujanovačko” dialekti?! Me ka vačerav
ađahare: sar ko ka mangel diso te phenel ja te pučel, šaj direktno te kontaktirini man ko telefoni ja ki e-mail adresa.
Ama, ače akana pelji amenđe šansa te puča sarine kokri amen, soj odova ”pravilno” Romani čhib? Da li isi đikuri di-
jekh škola kaj šaj sarine amen te sikljova i ”pravilno” Romani čhib? Da li o lafi PRAVILNO avela kotar ”pravilno” Romani
čhib? Sose Bujanovac? Pogodinen kotar avava… ama, ače akana henez šunava so isi hem ”Bujanovačko” dialekti!
Na mangava te ovav negativno ja diso aver, ama samo jekh buti ka vačerav. Sarine amen jekh dive ka mera, ama o
pisime lafia ko Magazin Rom ka ačhoven sar pečati ki Romani historia!
Ked več phravđam o muhabeti kotar historia, mora te pomina so o Romano Internacionalno Dive pohari avela. Ama,
na žal ko akava broj našti ništa te publicirina. Sastipe, ko nilajesoro broj ka čera tikne reportaže kotar disave dizja kuri
so ka ičeri pe o Romano Internacionalno Dive.
Ma bistren! Sarine tumen, slobodno šaj te kontaktirinen amari redakcia ako isi tumen disavo pučibe, kritika ja idea.
Mangava tumenđe sa najšukar!
Seljami kotar
Sead Šerifi - Sejo
