Page 2 - Magazin Rom 5
P. 2
E redaktoresoro lafi
BAHTALO JEKH BERŠ ČERIBE BUTI ”MAGAZIN ROM”!!! Ko Decembar okova berš ikljislo hine o jekhto broj
”Magazin Rom“. Ače jekh berš o magazin ekzistirini! Sar so vačerđum angljeder, but đene amendar na penđarena
pe ko čače hem nikeda na dikhlje pe ko čače. Ama, odova našti čhinađa amen te ikala 5 broja đi akana. Apsolutno
nikastar nisavi pomoč na dobinđam. Akate ciljinava ko vlade, departamentia hem razna avera organizacie. Jekh jedino
podrška kastar dobinđam, odova hine o “obično Romano narodo“. Hari li odova?! Svako dive isi najhari jekh manuš
kova so khuvela ki amari oficialno internet strana te dikhel hem te čitini o magazin. Nek oven saste sarine so delinđe o
magazin hem so buvljačerđe i informacia ki socialno media.
Me hijum but bahtalo so o projekti ”Magazin Rom” ikalđa 5 broja đi akana. Ama, pana pobahtalo hijum so maškaro
amende ki redakcia na ikljislji nisavi holji, akošibe, dalavera, posavibe čhurikaja palo dumo... O čefi, i sloga hem i bari
energia anđa amen đi ko akava, celo jekh berš te čera buti badihava. Šaj dijekhvar na dikhljam amare čhaven hem šaj
dijekhvar mukhljam považna buča, te završina o “Magazin Rom“. Ama, ked đanaja so o “obično Romano narodo“ jedva
đačeri te ikljol nevo broj, amaro čefi pana pobuter barjola. Đi keda ka ovel ađahare, samo o Devel đanela.
Sar so đanena ki amari redakcia bešena o Icko, i Brima, o Mišo, o Emrani, me hem akana alo amenđe jekh nevo člani,
o Pipi. O Neđo đi akana hine amencar, ama ov birinđa te đal jekh aver drumo – Neđmedin Jašar Neđo, ov sasto but so
hijan hine amencar đi akana! A, sarine tumen avera so hijen pana ki redakcia – oven saste ko akava paluno berš hem
me ičerava imizi so tumaro čefi hem energia ka ičeri tumen pana but berša.
Sarine tumen so čitinena o magazin, slobodno šaj te kontaktirinen amari redakcia ako isi tumen disavo pučibe, kritika ja
idea. Oven saste so pratinđen amen akava 2016. berš. Ko nevo 2017. berš mangava tumenđe, sa o šukaripe so tumen
kokri tumenđe mangena. Ka šuna amen, aver berš!
Seljami kotar
Sead Šerifi - Sejo
BAHTALO JEKH BERŠ ČERIBE BUTI ”MAGAZIN ROM”!!! Ko Decembar okova berš ikljislo hine o jekhto broj
”Magazin Rom“. Ače jekh berš o magazin ekzistirini! Sar so vačerđum angljeder, but đene amendar na penđarena
pe ko čače hem nikeda na dikhlje pe ko čače. Ama, odova našti čhinađa amen te ikala 5 broja đi akana. Apsolutno
nikastar nisavi pomoč na dobinđam. Akate ciljinava ko vlade, departamentia hem razna avera organizacie. Jekh jedino
podrška kastar dobinđam, odova hine o “obično Romano narodo“. Hari li odova?! Svako dive isi najhari jekh manuš
kova so khuvela ki amari oficialno internet strana te dikhel hem te čitini o magazin. Nek oven saste sarine so delinđe o
magazin hem so buvljačerđe i informacia ki socialno media.
Me hijum but bahtalo so o projekti ”Magazin Rom” ikalđa 5 broja đi akana. Ama, pana pobahtalo hijum so maškaro
amende ki redakcia na ikljislji nisavi holji, akošibe, dalavera, posavibe čhurikaja palo dumo... O čefi, i sloga hem i bari
energia anđa amen đi ko akava, celo jekh berš te čera buti badihava. Šaj dijekhvar na dikhljam amare čhaven hem šaj
dijekhvar mukhljam považna buča, te završina o “Magazin Rom“. Ama, ked đanaja so o “obično Romano narodo“ jedva
đačeri te ikljol nevo broj, amaro čefi pana pobuter barjola. Đi keda ka ovel ađahare, samo o Devel đanela.
Sar so đanena ki amari redakcia bešena o Icko, i Brima, o Mišo, o Emrani, me hem akana alo amenđe jekh nevo člani,
o Pipi. O Neđo đi akana hine amencar, ama ov birinđa te đal jekh aver drumo – Neđmedin Jašar Neđo, ov sasto but so
hijan hine amencar đi akana! A, sarine tumen avera so hijen pana ki redakcia – oven saste ko akava paluno berš hem
me ičerava imizi so tumaro čefi hem energia ka ičeri tumen pana but berša.
Sarine tumen so čitinena o magazin, slobodno šaj te kontaktirinen amari redakcia ako isi tumen disavo pučibe, kritika ja
idea. Oven saste so pratinđen amen akava 2016. berš. Ko nevo 2017. berš mangava tumenđe, sa o šukaripe so tumen
kokri tumenđe mangena. Ka šuna amen, aver berš!
Seljami kotar
Sead Šerifi - Sejo
