Page 10 - Magazin Rom 5
P. 10
EDUKACIA

RELIGIA

I religia tani diso so osetinaja andre ki amari duša, sar mislinaja amare gođaja, amare vileja
hem diso ko so veruinaja. But akaljestar našti te takina vastencar hem te dikha jačhencar,

ama da li tano odova odobor važno?!
Avdije, amen o Roma bešaja ko sekundarna hem multikulturna thana. I religia tani amari privatnost, amaro rahatluko
hem amaro šukaripasoro drumo! Đivdo insani avdije isi olje mogučnost te birini maškaro but religie. Ko akava artikli
ka pomina samo o 5 najbare religie hem samo i najvažno fakta ko odola religie. Ma bistren, ako mangena điko te
respektirini tumen hem tumari religia, isto ađahare mora hem tumen te mothoven respekt premalo aver manuš,
oljesiri religia, oljesoro identiteti…

Kristianizm
O kristianja veruinena so isi samo jekh Devel hem so o Isus tano oljesoro čhavo.
Ki oljengiri knjiga, ki Biblia šaj te čitine sar o Isus alo ki Phuv te vačeri kotar o De-
vel. O krsto tano najvažno simboli ko Kristianizm. O Isus hine mulo ko jekh krsto.

Judizm
Hem o jaudije veruinena so isi samo jekh Devel. Oljengiri knjiga vičini pe Tora. Ki
Tora isi but tekstia so mothovena sar valjani hem so valjani te čere ko đivdipe. I
čereni tani najvažno simboli ko Judizm. I čereni hine o simboli kotar o kralj David.
Ov hine oljengoro kraljo angljeder 3 000 berš.

Islam
Okola manuša so pripadinena ko Islam vičinena pe muslimanja. O muslimanja e
Devle vičinena Alah. O profeti o Muhamed prvo hine šunđa e Devlesere lafia. Sa
akava o muslimanja šaj te čitinen ki knjiga, ko Kurani. Terno masek tano o simboli
ko Islam.

Budizm
O budistia mangena te živinen sar so pheja o Buda. O Buda na hine Devel! Ov
hine samo jekh đando manuš so bešlja ki India angljeder but berša. O budistia
veruinena so o manuš šaj te živini ko akava sveto but droma. Točko 8 liniencar ko
maškar tano oljengoro simboli.

Hinduizm
O hinduistia nane oljen samo jekh Devel. Ki koja diz o manuš bešela ja ki savi fa-
milia pripadinela ko odova Devel veruinela. But hinduistia veruinena so o manuš
šaj te živini but droma ko akava sveto. Ked merela jekh manuš, palo disavo vakti
šaj te bijanđol paljem ko jekh nevo telo. O simboli ko Hinduizm tano aum. Aum
tano jekh lafi so o hinduistia vačerena ked molinena pe.

sead.serifi@magazinrom.com

10
   5   6   7   8   9   10   11   12   13   14   15